DONKI走塑｜全城走塑DONKI壽司熟食轉紙盒　記者揭「盲盒」賣相仍吸引惟1點比膠盒差

【環保走塑/管制即棄塑膠/堂食/外賣/DONKI盲盒壽司/DONKI盲盒魚生飯/紙餐盒】政府在4.22起實施首階段管制即棄塑膠，禁止堂食及外賣提供膠叉、膠刀丶膠匙、膠飲管、膠攪拌棒及所有發泡膠餐具。昨日（23日）隨即有顧客到DONKI直擊壽司情況，拍攝到一盒盒用紙盒包裝的壽司，因而掀起「盲盒壽司」話題，引來網民瘋狂洗板！有網民留言「盲盒壽司好似扭蛋咁刺激」、「新唔新鮮都唔知」，今日（24日）TOPick記者親身到DONKI分店視察，直擊真實情況！

TOPick記者分別親身到DONKI尖沙咀美麗華分店及淘大分店視察，發現「盲盒」食品數目比例大減，現場選購食品的市民都是看膠盒食品較多。而現場有很多告示寫明，在DONKI堂食不能進食塑膠即棄容器包裝的食品，只能享用貼有「可於店內享用」標籤的食品。

▲ 打開DONKI三文魚腩壽司盲盒，進食時都發現飯粒黐盒的情況！（TOPick記者攝）

在DONKI現場所見，「盲盒」不單止壽司，還包括熟食，而「盲盒」上會印上盒內食物的圖片，難怪有網民揶揄「好新鮮喎，你哋睇唔到張圖咩？」TOPick記者亦都直擊DONKI堂食區，可能時間尚早的關係，空無一人。

▲ DONKI尖沙咀店現場仍有大量膠盒壽司供應。（TOPick記者攝）

最新影片:

DONKI走塑｜「盲盒」食品賣相仍吸引

TOPick記者亦親身到DONKI尖沙咀美麗華店購買「盲盒」試食，看看有否「中伏」。記者在DONKI買了4款食品，包括三文魚腩壽司、海鮮丼、熟食照燒雞腿便當、北海道產忌廉蟹可樂餅，4款「盲盒」食品一開，見賣相仍然吸引，但熟食不保溫，已經不暖。可樂餅則仍然幾脆口，與用膠盒盛載的可樂餅味道及口感無異。

▼點擊圖片放大

+16

+15

DONKI走塑｜「盲盒」魚生飯粒黐盒

壽司和海鮮丼反而夠凍，但飯粒黐盒，尤其是海鮮丼的飯黐到好難撈，太大力撈又怕魚生飛出來，飯亦壓到比較硬。

不過，DONKI熟食雞腿便當的飯就沒有黐盒問題，可能與紙盒材質不同有關，盛載海鮮丼和壽司的紙盒疑似是環保紙，質地較粗糙。而盛載雞腿便當的紙盒較平滑，內裏有層薄膠，因此飯粒沒有黐盒。

中小學測考季即將來臨，TOPick精選名校的中、英、數、常練習題：立即免費下載

HKET App已全面升級，TOPick推出親子、健康、娛樂、港聞及休閒生活資訊及影片，立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5